Li Entabê mînîbûsek ket nav gelî: 15 birîndar

Mînîbûseke rêwîyan li ser rêya Entab-Semsûrê ji ber baranê ji kontrolê derket û kete nav gelî, di encamê de şofêr jî di nav de 15 kes birîndar bûn. Hat ragihandin ku rewşa çar birîndaran giran e.

Haberler'de takip edin ✰ işaretine basmayı unutmayın Li navçeya Cîngîfe ya Entabê, di qezaya trafîkê de mînîbûsek rêwîyan kete çem.

Mînîbûsa bi plaqeya 02 D 0099 ku ji aliyê A.S. ve dihat ajotin û ji Semsûrê ber bi Entabê ve diçû, li herêma Karadagliyê ji ber barana zêde kontrola xwe winda kir û wergeriya.

Piştî ku mirovên qezayê dîtin xeberê şandin, ji herêmê re ekîbên tenduristî, îtfaîye û cendermeyê hatin sewqkirin.

Di encama qezayê de bi tevî şofêr 15 kes birîndar bûn.

Piştî tedawîya ewil a li cîhê bûyerê mirovên birîndar bi ambûlansan ji nexweşxaneyan re hatin rakirin.

Hate ragihandin ku rewşa çar birîndaran giran e.

Derbarê qezayê de tehqîqat hatiye destpêkirin. (ÎLKHA)